Rahon Pe Nazar Rakhna

Rahon Pe Nazar Rakhna Honton Pe Dua Rakhna,

Aa Jaye Koi Shayed Darwaza Khula Rakhna,

 

Ehsaas Ki Shama Ko Iss Tarah Jala Rakhna,

Apni Bhi Khabar Rakhna Us Ka Bhi Pata Rakhna,

 

Raaton Ko Bhatakne Ki Deta Hai Saza Mujhe,

Dushwar Hai Pehlu Mein Dil Tere Bina Rakhna,

 

Logon Ko Nigahon Se Parh Lene Ki Aadat Hai,

Logon Ki Tehreeron Ko Logon Se Bacha Rakhna,

 

Bhoolon Main Agar To Aye Dil Yaad Dila Dena,

Tanhai K Lamhon Ka Har Zakham Hara Rakhna,

 

Ik Boond Bhi Ashkon Ki Daaman Na Bhigo Paye,

Gham Us Ki Amanat Hai Palkon Pe Saja Rakhna,

 

Iss Tarah Qateel Us Se Bartao Rahe Apne,

Woh Bhi Na Bura Maane Dil Ka Bhi Kaha Rakhna...