Bhare Sagar Mein Mojon Ko Kinara Chahiye Koi

Bhare Sagar Mein Mojon Ko Kinara Chahiye Koi,

Meri Pur Ashk Aankhon Ko Nazara Chahiye Koi,

 

Tere Dar Par Jo Yoon Aa Aa Kar Laut Jate Hain,

Teri Jaanib Se Hum Ko Ishara Chahiye Koi,

 

Kaho Tum K Kon Ho Pyare ? Kahan Se Laut Aye Ho ?

Bare Be Jaan Dikhte Ho Sahara Chahiye Koi ?

 

Tere Shehar-e-Wafa Mein To Faateh Nahi Milna Koi,

Warna Hum To Hazir Hain Agar Haara Chahiye Koi,

 

Mera Dil Tukra Tukra Hai Idher Sham-e-Tanhai Ka Aalam,

Magar Tujhe Bhi To Hawaas Ka Maara Chahiye Koi,

 

Abhi Hoon Taaq Mein Rakh K Sari Khushiyan Muntazir,

Manaon Ga Jashan Main Bhi Pyara Chahiye Koi,

 

Ajab Dil Mein Hai Mojza Kuch Din Se Parai Yaad,

Humein Phir Ek Dard Shayed Udhara Chahiye Koi,

 

Main Apne Dil Se Poochon Madaawa Ghum Ka Kya Hai,

To Ziddi Dil Yeh Kehta Hai Dobara Chahiye Koi,

 

Bayan Karti Hain Dil Ka Dard Meri Yeh Laal Aankhein,

Mera Har Ashq Kehta Hai Chaara Chahiye Koi,

 

Nahin In Chand Taaron Se Mujhe Koi Bhi Matlab,

Mujhe To Ab Muqaddar Ka Sitara Chahiye Koi...