Choota Jo Tera Hath To Hum Toot K Roye

Choota Jo Tera Hath To Hum Toot K Roye,

Tum Jo Na Rahe Sath To Hum Toot K Roye,

 

Chahat Ki Tammana Thi Aur Zakham Diye Tum Ne,

Pai Jo Yeh Saughat To Hum Toot K Roye,

 

Imkaan Na Tha Door Talak Tajdeed-e-Taluq Ka,

Dekhe Jo Yeh Halat To Hum Toot K Roye,

 

Anjaan Thy Hum Ab Tak Dard Ki Soorat Se,

Hui Jo Mulaqat To Hum Toot K Roye,

 

Logon Se Bohat Poocha Sabab Veerani Ka,

Jab Sooji Na Koi Baat To Hum Toot K Roye,

 

Thi Dhoop Bohat Taiz Har Simt Judai Ki,

Barsi Na Jo Barsat To Hum Toot K Roye,

 

Din Bhar To Rahe Chup K Duniya Ki Nazron Se,

Bheegi Jo Syaah Raat To Hum Toot K Roye,

 

Samjha Tha Sada Tujh Ko Apna Hi Ik Hissa,

Tukron Mein Batti Zaat To Hum Toot K Roye,

 

Hum Karte Rahe Kyun Uss Chand Ki Khuahish,

Yaad Aai Jo Auqaat To Hum Toot K Roye... !