Ku Ba Ku Phail Gai Baat

Ku Ba Ku Phail Gai Baat Shanasai Ki,

Us Ne Khushboo Ki Tarah Meri Pazirai Ki,

 

Kaise Keh Doon K Mujhe Chor Diya Hai Us Ne,

Baat To Sach Hai Magar Baat Hai Ruswai Ki,

 

Woh Kahin Bhi Gaya Lauta To Mere Paas Aya,

Bas Yehi Baat Hai Achi Mere Harjai Ki,

 

Tera Pehlu Tere Dil Ki Tarah Aabad Rahe,

Tujh Pe Guzre Na Qayamat Shab-e-Tanhai Ki,

 

Us Ne Jalti Hui Peshani Pe Jo Hath Rakha,

Rooh Tak Aagai Taseer Masihai Ki...