Meri Tanhai Barhate Hain

Meri Tanhai Barhate Hain Chale Jate Hain,

Hanss Talaab Pe Aate Hain Chale Jate Hain,



Is Liye Ab Main Kisi Ko Nahi Jane Deta,

Jo Mujhe Chor K Jate Hain Chale Jate Hain,



Meri Aankhon Se Baha Karti Hai Un Ki Khushi,

Raftgaan Khuwab Mein Aate Hain Chale Jate Hain,



Shadi E Marg Ka Mahol Bana Rehta Hai,

Aap Aate Hain Rulate Hain Chale Jate Hain,



Kab Tumhein Ishq Mein Majboor Kiya Hai Hum Ne,

Hum To Bas Yaad Dilate Hain Chale Jate Hain,



Aap Ko Kon Tamashai Samjhta Hai Yahan,

Aap To Aag Lagate Hain Chale Jate Hain,



Hath Pathar Ko Barhaon To Sagan E Duniya,

Hairti Ban K Dikhate Hain Chale Jate Hain...