Wafa K Baab Mein Ilzam E Aashqi

Wafa K Baab Mein Ilzam E Aashqi Na Liya,

K Teri Baat Ki Aur Tera Naam Bhi Na Liya,



Khusha Woh Log K Mehroom E Iltafat Rahe,

Tere Karam Ko Ba Andaz E Saadgi Na Liya,



Tumhare Baad Kai Hath Dil Ki Simt Barhe,

Hazar Shukar Garebaan Ko Hum Ne Si Na Liya,



Tamam Masti O Tishna Labi K Hungame,

Kisi Ne Sang Uthaya Kisi Ne Meena Liya,



Faraz Zulm Hai Kuch Itni Khud Aitmadi Bhi,

K Raat Bhi Thi Andhri Charagh Bhi Na Liya...