Sach Hai Hum Hi Ko Aap K

Sach Hai Hum Hi Ko Aap K Shikwe Baja Na Thy,

Beshak Sab Sitam Janab K Dostana Thy,



Haan Jo Jafa Bhi Aap Ne Ki Qayede Se Ki,

Haan Hum Hi Kar Band-E-Asool-E-Wafa Na Thy,



Aaye To Yoon K Jaise Hamesha Thy Mehrbaan,

Bhoole To Yoon K Goya Kabhi Aashna Na Thy,



Kyun Daad-E-Ghum Hum Ne Talab Ki Bura Kiya,

Hum Se Jahan Mein Kushta-E-Ghum Aur Kya Na Thy,



Agar Fikar-E-Zakham Ki To Khatawar Hain K Hum,

Kyun Mehv-E-Madh-E-Khub-E-Teg-E-Ada Na Thy,



Lab Per Hai Talkhi-E-Mey-E-Ayaam Warna Faiz,

Hum Talkhi-E-Kalaam Pe Mayel Zara Na Thy...