Muhabbat Tark Ki Maine

Muhabbat Tark Ki Maine Garebaan Si Liya Maine,

Zamane Ab To Khush Ho Zehar Yeh Bhi Pi Liya Maine,

 

Abhi Zinda Hoon Magar Sochta Rehta Hoon Khalvat Mein,

K Ab Tak Kis Tamanna K Sahare Ji Liya Maine,

 

Unhein Apna Nahi Sakta Magar Itna Bhi Kya Kam Hai,

K Kuch Muddat Haseen Khuwabon Mein Kho K Ji Liya Maine,

 

Bas Ab To Daaman-e-Dil Chor Do Bekaar Umeedo,

Bohat Dukh Seh Liya Maine Bohat Din Ji Liya Maine...