Aye December Kuch To

Aye December Kuch To Hosla Kar Yeh Kya Hua Tujhe,

Bin Barse Guzar Jana Teri Aadat Pehle To Na Thi...

Teri Yaadon Ki Rawani

Teri Yaadon Ki Rawani Aur Yeh December,

Meri Baatein, Teri Kahani Aur Yeh December,



Mera Hath, Tera Hath, Lambi Sarak Aur Yeh December,

Gum Sum Shamein, Sunehri Raaten Aur Yeh December,



Bheege Din, Madham Suraj, Halky Baadal Aur Yeh December,

Behti Nadiya, Gaatey Panchi, Urti Dhund Aur Yeh December,



Tanha Main, Tanha Chand, Mera Kamra Aur Yeh December,

Meri Aankhen, Mere Aansoo, Meri Neend, Tere Khuab Aur Yeh December...

Aakhri Chand Din December K

Aakhri Chand Din December K,

Har Saal Hi Giraa'n Guzarte Hain,

Kaise Kaise Gumaan Guzarte Hain,

Raftaang K Guzarte Saayon Ki,

Phone Ki Diary K Safhon Se,

 

Har Baras Ki Tarah,

Diary Ab Bhi Sawal Karti Hai,

Kya Khabar Iss Baras K Aakhir Tak,

Mere In Be Chiraag Safhon Se,

Kitne Hi Naam Kat Gaye Hon Ge,

 

Apne Apne Gharon Mein Rakhi Hui,

Diary Dost Dekhte Hon Ge,

Un Ki Aankhon K Khaak Daano Mein,

Ik Sehra Sa Phelta Ho Ga,

Aur Kuch Be Nishaan Safhon Se,

Mera Naam Bhi Kat Gya Ho Ga...

December Tu Kyun Aaya Hai

December Tu Kyun Aaya Hai,

Teri Hi Ek Bheegi Shab Mein,

Mujh Se Bicharne Wale Ne,

Mujh Se Ehad Kiya Tha Yeh,

December Jab Bhi Aaya To,

Main Laut Aaon Ga,

 

Quhar Mein Lipte Hue Din,

Aur Bheegi Hui Raaten,

Wassal Ki Khushboo Se,

Mehki Rim Jhim Rim Jhim Barsaatein,

Main Tere Sang Bitaon Ga,

Koyelon Ki Aag Jala Kar,

Beth Kar Lihafon Mein,

Hijar K Beete Lamhon K,

Qisse Tumhein Sunaon Ga,

 

Ab Tere Tanha Aane Se,

Iss K Jhoote Wade Ne,

Mujh Ko Bara Rulaya Hai,

Jab Woh Nahi Aaya To,

December Tu Kyun Aaya Hai...

Woh Darjan Bhar Mahino Se

Woh Darjan Bhar Mahino Se,

Zara Mumtaz Lagta Hai,

December Kis Liye Akhir,

Hamesha Khaas Lagta Hai,

 

Bohat Sehmi Hui Subhein,

Udaasi Se Bhari Shaamein,

Dopehrein Royi Royi Si,

Woh Raatein Khoyi Khoyi Si,

 

Garam Dabeez Shalon Ka,

Woh Kam Roshan Ujalon Ka,

Kabhi Guzre Hawalon Ka,

Kabhi Mushkil Sawalon Ka,

 

Bichar Jane Ki Mayoosi,

Milan Ki Aas Lagta Hai,

December Kis Liye Aakhir,

Hamesha Khas Lagta Hai...

December Mein Kaha Tha

December Mein Kaha Tha Na K Wapis Laut Aao Ge,

Abhi Tak Tum Nahi Lautey December Laut Aya Hai...

Bohat Barasta Tha Na

Bohat Barasta Tha Na Yeh December Bhi,

Lagta Hai Ab Isey Bhi Pyar Ho Gya...

Ek Baar To Milne Chale Aao

Ek Baar To Milne Chale Aao December Jane Wala Hai,

Kaisa Guzra Hai Yeh Saal Batao December Jane Wala Hai,

 

Khush Ho Jao K Milne Ka Saal Arha Hai Phir,

Wasi Yoon Na Aansoo Bahao December Jane Wala Hai,

 

Shayed Ab K Baras Bhi Woh Laut Kar Na Aye,

Tanhaiyon Mein Abhi Chor Kar Na Jao December Jane Wala Hai,

 

Yeh Kya K Raat Din Usi Ki Yaad Mein Doobe Rehna,

Na Ghum Ki Baarish Mein Nahao December Jane Wala Hai,

 

Aye Mere Dukhon K Sathiyo Khush Ho Jao,

Apne Apne Gharon Ko Sajao December Jane Wala Hai,

 

Kya Pata Phir December Aaye Na Aaye Aye Jan-e-Wasi,

Meri Mano Ab Tum Laut Aao December Jane Wala Hai...

Chand Bhi Tanha

Chand Bhi Tanha, Raat Bhi Tanha Aur Tanha Meri Zaat Hai,

Phir Toot K Woh Yaad Aaye Ajeeb December Ki Yeh Raat Hai...