Hawas Naseeb E Nazar Ko

Hawas Naseeb E Nazar Ko Kahin Qarar Nahi,

Main Muntizar Hoon Magar Tera Intezar Nahi,



Humi Se Rang E Gulistaan Humi Se Rang E Bahar,

Humi Ko Nazm E Gulistaan Pe Ikhtiyar Nahi,



Abhi Na Cher Muhabbat K Geet Aye Matrab,

Abhi Hayat Ka Mahol Khushgawar Nahi,



Tumhare Ehad E Wafa Ko Main Ehad Kya Samjhun,

Mujhe Khud Apni Muhabbat Ka Aitbaar Nahi,



Na Jane Kitne Gille Is Mein Muztarib Hain,

Woh Ek Dil Kisi Ka Gilla Guzaar Nahi,



Gurez Ka Nahi Qayel Hayat Se Lekin,

Jo Sach Kahun To Mujhe Mout Nagawar Nahi,



Yeh Kis Muqaam Pe Pahuncha Diya Zamane Ne,

K Ab Hayat Pe Tera Bhi Ikhteyar Nahi...