Jab Bhi Dekha Mere Kirdar Pe Dhabba Koi

Jab Bhi Dekha Mere Kirdar Pe Dhabba Koi,

Dair Tak Beth Kar Tanhai Mein Roya Koi,

 

Log Maazi Ka Bhi Andaza Laga Lete Hain,

Mujhe To Yaad Nahi Kal Ka Bhi Qissa Koi,

 

Be'Sabbab Aankh Mein Aansoo Nahi Aaya Karte,

Aap Se Ho Ga Yaqeenan Mera Rishta Koi,

 

Yaad Aane Laga Ek Dost Ka Bartao Mujhe,

Toot Kar Gir Para Jab Shaakh Se Patta Koi,

 

Baad Mein Sath Nibhane Ki Qasam Kha Lena,

Dekh Lo Jalta Hua Pehle Patanga Koi,

 

Us Ko Suna Leta Hoon Rudaad-e-Safar,

Raah Mein Jab Mil Jata Hai Apna Koi,

 

Kaise Samjhe Ga Wohi Kisi Ka Bicharna,

Toot'ta Dekha Nahi Us Ne Sitaara Koi...