Bohat Tanha Hoon Main

Bohat Tanha Hoon Main Laut K Aa Bhi Jao Tum,

Ashq Ka Darya Hua Hoon Main Palat K Aa Bhi Jao Tum,

Jahan Pe Hath Chora Tha Jahan Pe Sath Chora Tha,

Usi Raah Pe Khara Hoon Main Palat K Aa Bhi Jao Tum,

Udaasi Ne Banaya Ghar Mere Dil K Bagheeche Mein,

Bohat Hi Ghumzada Hoon Palat K Aa Bhi Jao Tum,

Dar O Deewar Kehte Hain Mere Kaano Mein Aa Aa Kar,

Kab Se Veeraan Para Hoon Main Palat K Aa Bhi Jao Tum,

Ki Ka Baa Wafa Hona Agar Sabab Hai Judai Ka,

Suno ! Phir Bewafa Hoon Main Palat K Aa Bhi Jao Tum.

Deedar Ki Hawas Hai

Deedar Ki Hawas Hai Na Shoq E Wisaal Hai,

Azaad Har Khayal Se Mast E Khayal Hai,

Keh Do Yeh Kohkaan Se Hi Marna Nahi Kamal,

Mar Mar K Hijar E Yaar Mein Marna Kamal Hai,

Fatva Diya Hai Mufti Abar E Bahar Ne,

Tauba Ka Khoon Bada Kashoon Ko Halal Hai,

Aankhen Bata Rahi Hain Jaage Ho Raat Ko,

Is Saagharon Mein Bu E Sharab E Wisaal Hai,

Barsao Teer Mujh Pe Magar Itna Jaan Lo,

Pehlu Mein Dil Hai Dil Mein Tumhara Khayal Hai,

Aankhen Lara K Un Se Hum Afaat Mein Par Gaye,

Aankhon Ki Har Zubaan Pe Dil Ka Sawal Hai,

Buut Keh Diya Jo Maine To Ab Bolte Nahi,

Itni Si Baat Ka Tumhain Itna Khayal Hai,

Main Daamin E Nayaz Mein Ashak E Chakida Hoon,

Koi Utha K Dekh Le Uthna Muhaal Hai,

Pucha Jo Un Se Jante Ho Tum Jaleel Ko,

Bola K Haan Woh Shayer E Nazuk Khayal Hai.

Teri Nazron K Isharon Se Badalta Hai

Teri Nazron K Ishare Se Badalta Hai Samaa,

Tere Qadmo Ki Rawani Se Rawan Aab E Rawan,

Roshni Choome Usey Rang Usey Pyar Karen,

Us K Har Aks Mein Ik Ayena Khana Hai Nihan,

Un Fizaon Mein Sikhaya Gya Urna Hum Ko,

Aandhiyan Jaal Uthaye Hue Phirti Hain Jahan,

Dil Mein Reh Reh K Kisi Yaad Ki Hoti Hai Kasak,

Aankh Ko Khenche Liye Jaye Talismaat E Jahan,

Zindagi Mast Rahe Chahe Sard E Chasht Rahe,

Ho Daro Bast E Jahan Ya Na Rahen Kon O Makan,

Kis Liye Sham Se Aa Betha Hoon Ghar Mein Apne,

Agar Tere Laut K Aane Ka Nahi Hai Imkaan,

Hijar Mein Gard Hua Ghum Bhi Koi Fard Hua,

Ek Tha Main Hi Yahan Aur Raha Main Bhi Kahan,

Phir Koi Qais Ki Manind Yahan Lehraye,

Moj Mein Aaye Hawa Raqs Kare Reg E Rawan.

Ghum Ki Barish Ne Bhi

Ghum Ki Barish Ne Bhi Tere Ghum Ko Dhoya Nahi,

Tu Ne Mujh Ko Kho Diya Maine Tujhe Khoya Nahi,

Neend Ka Halka Gulaabi Sa Nikhar Aankhon Mein Tha,

Yoon Laga Jaise Woh Shab Ko Dair Tak Soya Nahi,

Har Taraf Deewar O Dar Aur Un Mein Aakhon K Hujoom,

Keh Sake Jo Dil Ki Halat Woh Lab E Goya Nahi,

Jurm Adam Ne Kiya Aur Nasal E Adam Ko Saza,

Kaat'ta Hoon Zindagi Bhar Maine Jo Boya Nahi,

Janta Hoon Ek Aise Shakhs Ko Main Bhi Munir,

Ghum Se Pathar Ho Gya Lekin Kabhi Roya Nahi.

Udaas Logon Se Pyar Karna

Udaas Logon Se Pyar Karna Koi To Seekhe,

Safaid Lamhon Mein Rang Bharna Koi To Seekhe,

Koi To Aaye Khizaan Mein Patte Ugaane Wala,

Gulon Ki Khushboo Ko Qaid Karna Koi To Seekhe,

Koi Dikhaye Muhabbat K Saraab Mujh Ko,

Meri Nigaahon Se Baat Karna Koi To Seekhe,

Koi To Aaye Nayi Ruton Ka Payam Le Kar,

Andheri Raaton Mein Chand Ban'na Koi To Seekhe,

Koi Payambar Koi Imam E Zamaan Hi Aaye,

Aseer Zehno Mein Soch Bharna Koi To Seekhe.

Abhi Is Taraf Na Nigah Kar

Abhi Is Taraf Na Nigah Kar Main Ghazal Ki Palken Sanwar Loon,

Mera Lafz Lafz Ho Aiyna Tujhe Aiyne Mein Utaar Loon,

Main Tamam Din Ka Thaka Hua Tu Tamam Shab Ka Jaga Hua,

Zara Thehar Ja Isi Mor Par Tere Sath Sham Guzar Loon,

Agar Asmaan Ki Numayeshon Mein Mujhe Izn E Qayam Ho,

To Main Motiyon Ki Dukaan Se Teri Baliyaan Tere Haar Loon,

Kahin Aur Baant De Shehar Main Kahin Aur Bahsh De Izaten,

Mere Paas Hai Mera Aaiyna Main Kabhi Na Gard O Gubaar Loon,

Kayi Ajnabi Teri Raah Mein Mere Paas Se Yoon Guzar Gaye,

Jinhe Dekh K Yeh Tarap Hui Tera Naam Le K Pukaar Loon.

Yaar Ko Maine Mujhe Yaar Ne

Yaar Ko Maine Mujhe Yaar Ne Sone Na Diya,

Raat Bhar Taala E Bedaar Ne Sone Na Diya,

 

Khaak Par Sang E Dar E Yaar Ne Sone Na Diya,

Dhoop Mein Saaya E Deewar Ne Sone Na Diya,

 

Sham Se Wasal Ki Shab Aankh Na Jhapki Ta Subah,

Shadi Dolat E Deedar Ne Sone Na Diya,

 

Raat Bhar Ki Dil E Betaab Ne Baaten Mujh Se,

Ranj O Mehnat K Giraftar Ne Sone Na Diya,

 

Takiya Tak Pehlu Mein Is Gul Ne Rakha Aatish,

Ghair Ko Sath Kabhi Yaar Ne Sone Na Diya...

Shehar Sunsaan Hai Kidher Jayen

Shehar Sunsaan Hai Kidher Jayen,

Khaak Ho Kar Kahin Bikhar Jayen,

 

Raat Kitni Guzar Gai Lekin,

Itni Himmat Nahi K Ghar Jayen,

 

Yoon Tere Dheyan Se Larazta Hoon,

Jaise Patte Hawa Se Dar Jayen,

 

Un Ujhaalon Ki Dhun Mein Phirta Hoon,

Shab Dikhate Hi Jo Guzar Jayen,

 

Rahen Andheri Hain Aur Kinare Door,

Chaand Nikle To Paar Utar Jayen...

Tere Gale Mein Jo Bahon Ko

Tere Gale Mein Jo Bahon Ko Daal Rakhte Hain,

Tujhe Manane Ka Kaisa Kamal Rakhte Hain,

 

Tujhe Khabar Hai Tujhe Sochne Ki Khatir Hum,

Bohat Se Kaam Muqaddar Par Taal Rakhte Hain,

 

Koi Bhi Faisla Hum Soch Kar Nahi Karte,

Tumhare Naam Ka Sikka Uchal Rakhte Hain,

 

Tumhare Baad Yeh Aadat Si Ho Gai Apni,

Bikharte Sookhte Patte Sambhal Rakhte Hain,

 

Khushi Si Milti Hai Khud Ko Aziayaten De Kar,

So Jaan Bhooj Kar Dil Ko Nidhal Rakhte Hain,

 

Kabhi Kabhi Woh Hans Kar Dekh Lete Hain,

Kabhi Kabhi Mera Be Had Khayal Rakhte Hain,

 

Tumhare Hijar Mein Yeh Haal Ho Gaya Apna,

Kisi Ka Khat Ho Usey Bhi Sambhal Rakhte Hain,

 

Khushi Mile To Tere Baad Khushi Nahi Hoti,

Hum Apni Aankh Mein Har Dam Malal Rakhte Hain,

 

Zamane Bhar Se Bacha Kar Woh Apne Aanchal Mein,

Mere Wajood K Tukre Sambhal Rakhte Hain,

 

Kuch Is Liye To Behaal Ho Gaye Hum Log,

Tumhari Yaad Ka Behad Khayal Rakhte Hain...

 

Ab Kis Se Kahen Aur Kon Sune

Ab Kis Se Kahen Aur Kon Sune Jo Haal Tumhare Baad Hua,

Is Dil Ki Jheel Si Aankhon Mein Ek Khuwab Bohat Barbaad Hua,

 

Yeh Hijar-Hava Bhi Dushman Hai Is Naam K Sare Rangon Ki,

Woh Naam Jo Mere Honton Pe Khushboo Ki Tarah Aabaad Raha,

 

Us Shehar Mein Kitne Chehre Thy Kuch Yaad Nahi Sab Bhool Gaye,

Ik Shakhs Kitabon Jaisa Tha Woh Shakhs Zubani Yaad Hua,

 

Woh Apne Gaon Ki Galiyaan Thi Dil Jin Mein Nachta Gaata Tha,

Ab Is Se Farak Nahi Parta Nashaad Hua Ya Shaad Hua,

 

Benaam Satayesh Rehti Thi In Gehri Sanwli Aankhon Mein,

Aisa To Kabhi Socha Bhi Na Tha Dil Ab Jitna Bedaad Hua...

Raaz E Ulfat Chupa K Dekh Liya

Raaz E Ulfat Chupa K Dekh Liya,

Dil Bohat Kuch Jala K Dekh Liya,

 

Aur Kya Dekhne Ko Baaki Hai,

Aap Se Dil Laga K Dekh Liya,

 

Woh Mere Ho K Bhi Mere Na Hue,

Un Ko Apna Bana K Dekh Liya,

 

Aaj Un Ki Nazar Mein Kuch Hum Ne,

Sab Ki Nazren Bacha K Dekh Liya,

 

Faiz Takmeel-E-Ghum Bhi Na Ho Saki,

Ishq Ko Aazma K Dekh Liya...

Aankh Se Door Na Ho

Aankh Se Door Na Ho Dil Se Utar Jaye Ga,

Waqt Ka Kya Hai Guzarta Hai Guzar Jaye Ga,

 

Itna Manoos Na Ho K Khalwat E Ghum Se Apni,

Tu Kabhi Khud Ko Bhi Dekhe Ga To Dar Jaye Ga,

 

Tum Sar E Rah E Wafa Dekhte Reh Jao Ge,

Aur Woh Baam E Rafaqat Se Utar Jaye Ga,

 

Doobte Doobte Kashti Ko Uchala De Doon,

Main Nahi To Koi To Sahil Pe Utar Jaye Ga,

 

Zabt Lazim Hai Magar Dukh Hai Qayamat Ka Faraz,

Zalim Ab K Bhi Na Roye Ga To Mar Jaye Ga...

Bohat Muddat Se Aisa Hai

Bohat Muddat Se Aisa Hai,

K Tum Khamosh Rehte Ho,

Koi Gehra Hai Ghum Shayed,

Jise Chup Chaap Sehte Ho,

 

Yoon Hi Chalte Hue Tanha,

Koi Ghamgeen Sa Nagma,

Tum Aksar Gungnate Ho,

Doraan-e-Guftagu Joon Hi,

Milain Nazron Se Jab Nazren,

To Baaten Bhool Jate Ho,

 

Kisi Gumsum Si Halat Mein,

Ya Phir Barish K Mosam Mein,

Fakat Itna Hi Kehte Ho,

Udaasi Be Wajah Si Hai,

Bohat Bhojal Tabiyat Hai,

Bhala Sach Kyun Nahi Kehte,

Tumhain Mujh Se Muhabbat Hai,

Tumhain Mujh Se Muhabbat Hai...

Bechain Bohat Phirna Ghabraye Hue Rehna

Bechain Bohat Phirna Ghabraye Hue Rehna,

Ik Aag Si Jazbon Ki Dehkaye Hue Rehna,

 

Chalkaye Hue Khushboo Lab-e-Laleen Ki,

Ik Bagh Sa Sath Apne Mehkaye Hue Rehna,

 

Ik Sham Si Kar Rakhna Kajal K Karishme Se,

Ik Chand Sa Ankhon Mein Chamkaye Hue Rehna,

 

Adat Hi Bana Li Hai Tum Ne To Rizwan Apni,

Jis Shehar Mein Bhi Rehna Uktaye Hue Rehna...

Darwaza Koi Ghar Se Nikalne K Liye De

Darwaza Koi Ghar Se Nikalne K Liye De,

Bekhauf Koi Raasta Chalne K Liye De,

 

Aankhon Ko Khuwab Aaya Kiya Shukriya Lekin,

Paikar Bhi Koi Khuwabon Mein Dhalne K Liye De,

 

Sehmi Hui Shakhon Ko Zara Si Koi Mohlat,

Sooraj Ki Sawari Ko Nigalne K Liye De,

 

Sab Waqat Ki Deewar Se Sar Phor Rahe Hain,

Koi Humein Bhi To Raasta Bhag Nikalne K Liye De,

 

Sailab Mein Mujh Ko Aaye Phenkne Wale,

Toota Hua Ek Pal Hi Sambhalne K Liye De,

 

Bedard Muhabbatain Hain Bedard Dilon Ki,

Koi Cheez To Inhein Bhi Pigalne K Liye De...

Kahun K Kya Ho Tum

Kahun K Kya Ho Tum ?

Mere Liye Meri Duniya Ho Tum

Choo K Jo Guzre Woh Hawa Ho Tum

 

Maine Jo Mangi Woh Dua Ho Tum

Kiya Maine Mehsoos Woh Ehsaas Ho Tum

 

Meri Nazar Ki Talash Ho Tum

Meri Zindagi Ka Qarar Ho Tum

 

Maine Jo Chaha Woh Pyar Ho Tum

Mere Intezar Ki Rahat Ho Tum

 

Tum Ho To Duniya Hai Meri

Mere Dil Ki Chahat Ho Tum

 

Kaise Kahun K Sirf Pyar Nahi

Meri Jaan Ho Tum

Us K Hathon Se Jo

Us K Hathon Se Jo Khushboo-E-Hina Aati Hai

Aise Lagta Hai K Jannat Se Hawa Aati Hai

 

Choomne Dhaar Ko Kis Dhaj Se Chala Hai Koi

Aaj Kis Naaz Se Maqtal Mein Qaza Aati Hai

 

Na Kabhi Kare Tujh Se Koi Tere Jaisa Salook

Hath Uth'te Hi Yehi Lab Pe Dua Aati Hai

 

Tere Ghum Ko Yeh Barhana Nahi Rehne Deti

Meri Ankhon Pe Jo Rashkon Ki Rida Aati Hai

 

Us K Chehre Ki Tamzat Bhi Hai Shamil Is Mein

Aaj Tapti Hui Sawan Ki Gata Aati Hai

 

Goomne Jab Bhi Tere Shehar Mein Jati Hai Wafa

Bain Karti Hui Wapis Woh Sada Aati Hai

 

Hai Wohi Baat Har Lab Pe Bohat Aam Yahan

Hum Se Jo Kehte Hue Un Ko Haya Aati Hai.

Hazaron Dukh Paren Sehna

Hazaron Dukh Paren Sehna Muhabbat Mar Nahi Sakti

Hai Tum Se Bas Yehi Kehna Muhabbat Mar Nahi Sakti

 

Tera Har Baar Mere Khat Ko Parhna Aur Ro Dena

Mera Har Baar Likh Dena Muhabbat Mar Nahi Sakti

 

Kiya Tha Hum Ne Campus Ki Nadi Par Ek Haseen Wada

Bhale Hum Ko Pare Marna Muhabbat Mar Nahi Sakti

 

Jahan Mein Jab Talak Panchi Chehkate Urte Phirte Hain

Hai Jab Tak Phool Ka Khilna Muhabbat Mar Nahi Sakti

 

Purane Ehad Ko Zinda Karne Ka Jab Khayal Aaye

Mujhe Bas Itna Likh Dena Muhabbat Mar Nahi Sakti

 

Woh Tera Hijar Ki Shab Phone Rakhne Se Zara Pehle

Bohat Rote Hue Kehna Muhabbat Mar Nahi Sakti

 

Agar Hum Hasraton Ki Qabar Mein Hi Dafan Ho Jayen

To Yeh Kitabon Pe Likh Dena Muhabbat Mar Nahi Sakti

 

Purane Raabton Ko Phir Naye Waaday Ki Khuahish Hai

Zara Ek Baar To Keh Dena Muhabbat Mar Nahi Sakti

 

Gaye Lamhat Fursat K Kahan Se Dhoond Kar Laon

Woh Pehron Hath Par Likhna Muhabbat Mar Nahi Sakti.

Teri Janib Agar Chale Hote

Teri Janib Agar Chale Hote

Hum Na Yoon Dar Badar Hue Hote

 

Sari Duniya Hai Meri Muthi Mein

Kon Aye Ga Ab Tere Hote

 

Ab Kyun Nahi Nibhate Tum

Itne Waaday Na Kiye Hote

 

Paa Liya Maine Sari Duniya Ko

Koi Khuahish Nahi Tere Hote

 

Us Ki Ankhon Mein Bahar Pane Ko

Kash Hum Khuab Ban Gaye Hote.

Sochta Hoon Usay Neend

Sochta Hoon Usay Neend Bhi Aati Ho Gi

Ya Meri Tarah Faqat Ashaq Bahati Ho Gi

 

Woh Meri Shakal Mera Naam Bhulane Wali

Apni Tasveer Se Kya Aankh Milati Ho Gi

 

Is Zameen Pe Bhi Hai Sailaab Meri Aankhon Se

Mere Maatam Ki Sada Arsh Hilati Ho Gi

 

Sham Hote Hi Woh Chokath Pe Jala K Shamein

Apni Palkon Pe Kai Khuab Sulati Ho Gi

 

Mere Tareek Zamano Se Nikalne Wali

Roshni Tujh Ko Meri Yaad Dilati Ho Gi

 

Dil Ki Masoom Ragein Khud Hi Sulagti Hon Gi

Jun Ki Tasveer Ka Kona Woh Jalati Ho Gi

 

Roop De Kar Mujhe Is Mein Kisi Shehzade Ka

Apne Bachon Ko Kahani Woh Sunati Ho Gi.