Bohat Tanha Hoon Main

Bohat Tanha Hoon Main Laut K Aa Bhi Jao Tum,

Ashq Ka Darya Hua Hoon Main Palat K Aa Bhi Jao Tum,

Jahan Pe Hath Chora Tha Jahan Pe Sath Chora Tha,

Usi Raah Pe Khara Hoon Main Palat K Aa Bhi Jao Tum,

Udaasi Ne Banaya Ghar Mere Dil K Bagheeche Mein,

Bohat Hi Ghumzada Hoon Palat K Aa Bhi Jao Tum,

Dar O Deewar Kehte Hain Mere Kaano Mein Aa Aa Kar,

Kab Se Veeraan Para Hoon Main Palat K Aa Bhi Jao Tum,

Ki Ka Baa Wafa Hona Agar Sabab Hai Judai Ka,

Suno ! Phir Bewafa Hoon Main Palat K Aa Bhi Jao Tum.

Deedar Ki Hawas Hai

Deedar Ki Hawas Hai Na Shoq E Wisaal Hai,

Azaad Har Khayal Se Mast E Khayal Hai,

Keh Do Yeh Kohkaan Se Hi Marna Nahi Kamal,

Mar Mar K Hijar E Yaar Mein Marna Kamal Hai,

Fatva Diya Hai Mufti Abar E Bahar Ne,

Tauba Ka Khoon Bada Kashoon Ko Halal Hai,

Aankhen Bata Rahi Hain Jaage Ho Raat Ko,

Is Saagharon Mein Bu E Sharab E Wisaal Hai,

Barsao Teer Mujh Pe Magar Itna Jaan Lo,

Pehlu Mein Dil Hai Dil Mein Tumhara Khayal Hai,

Aankhen Lara K Un Se Hum Afaat Mein Par Gaye,

Aankhon Ki Har Zubaan Pe Dil Ka Sawal Hai,

Buut Keh Diya Jo Maine To Ab Bolte Nahi,

Itni Si Baat Ka Tumhain Itna Khayal Hai,

Main Daamin E Nayaz Mein Ashak E Chakida Hoon,

Koi Utha K Dekh Le Uthna Muhaal Hai,

Pucha Jo Un Se Jante Ho Tum Jaleel Ko,

Bola K Haan Woh Shayer E Nazuk Khayal Hai.

Teri Nazron K Isharon Se Badalta Hai

Teri Nazron K Ishare Se Badalta Hai Samaa,

Tere Qadmo Ki Rawani Se Rawan Aab E Rawan,

Roshni Choome Usey Rang Usey Pyar Karen,

Us K Har Aks Mein Ik Ayena Khana Hai Nihan,

Un Fizaon Mein Sikhaya Gya Urna Hum Ko,

Aandhiyan Jaal Uthaye Hue Phirti Hain Jahan,

Dil Mein Reh Reh K Kisi Yaad Ki Hoti Hai Kasak,

Aankh Ko Khenche Liye Jaye Talismaat E Jahan,

Zindagi Mast Rahe Chahe Sard E Chasht Rahe,

Ho Daro Bast E Jahan Ya Na Rahen Kon O Makan,

Kis Liye Sham Se Aa Betha Hoon Ghar Mein Apne,

Agar Tere Laut K Aane Ka Nahi Hai Imkaan,

Hijar Mein Gard Hua Ghum Bhi Koi Fard Hua,

Ek Tha Main Hi Yahan Aur Raha Main Bhi Kahan,

Phir Koi Qais Ki Manind Yahan Lehraye,

Moj Mein Aaye Hawa Raqs Kare Reg E Rawan.

Ghum Ki Barish Ne Bhi

Ghum Ki Barish Ne Bhi Tere Ghum Ko Dhoya Nahi,

Tu Ne Mujh Ko Kho Diya Maine Tujhe Khoya Nahi,

Neend Ka Halka Gulaabi Sa Nikhar Aankhon Mein Tha,

Yoon Laga Jaise Woh Shab Ko Dair Tak Soya Nahi,

Har Taraf Deewar O Dar Aur Un Mein Aakhon K Hujoom,

Keh Sake Jo Dil Ki Halat Woh Lab E Goya Nahi,

Jurm Adam Ne Kiya Aur Nasal E Adam Ko Saza,

Kaat'ta Hoon Zindagi Bhar Maine Jo Boya Nahi,

Janta Hoon Ek Aise Shakhs Ko Main Bhi Munir,

Ghum Se Pathar Ho Gya Lekin Kabhi Roya Nahi.

Udaas Logon Se Pyar Karna

Udaas Logon Se Pyar Karna Koi To Seekhe,

Safaid Lamhon Mein Rang Bharna Koi To Seekhe,

Koi To Aaye Khizaan Mein Patte Ugaane Wala,

Gulon Ki Khushboo Ko Qaid Karna Koi To Seekhe,

Koi Dikhaye Muhabbat K Saraab Mujh Ko,

Meri Nigaahon Se Baat Karna Koi To Seekhe,

Koi To Aaye Nayi Ruton Ka Payam Le Kar,

Andheri Raaton Mein Chand Ban'na Koi To Seekhe,

Koi Payambar Koi Imam E Zamaan Hi Aaye,

Aseer Zehno Mein Soch Bharna Koi To Seekhe.

Abhi Is Taraf Na Nigah Kar

Abhi Is Taraf Na Nigah Kar Main Ghazal Ki Palken Sanwar Loon,

Mera Lafz Lafz Ho Aiyna Tujhe Aiyne Mein Utaar Loon,

Main Tamam Din Ka Thaka Hua Tu Tamam Shab Ka Jaga Hua,

Zara Thehar Ja Isi Mor Par Tere Sath Sham Guzar Loon,

Agar Asmaan Ki Numayeshon Mein Mujhe Izn E Qayam Ho,

To Main Motiyon Ki Dukaan Se Teri Baliyaan Tere Haar Loon,

Kahin Aur Baant De Shehar Main Kahin Aur Bahsh De Izaten,

Mere Paas Hai Mera Aaiyna Main Kabhi Na Gard O Gubaar Loon,

Kayi Ajnabi Teri Raah Mein Mere Paas Se Yoon Guzar Gaye,

Jinhe Dekh K Yeh Tarap Hui Tera Naam Le K Pukaar Loon.

Ainaa Ab Juda Nahi Karta

Ainaa Ab Juda Nahi Karta,

Qaid Mein Hoon Riha Nahi Karta,

Mustaqil Sabar Mein Hai Koh E Giraan,

Naqsh E Ibrat Sadaa Nahi Karta,

Rang E Mehfil Badalta Rehta Hai,

Rang Koi Wafa Nahi Karta,

Aish E Duniya Ki Justaju Mat Kar,

Yeh Dafeena Mila Nahi Karta,

Ji Mein Aaye Jo Kar Guzarta Hai,

Tu Kisi Ka Kaha Nahi Karta,

Ek Waris Hamesha Hota Hai,

Takht Khali Raha Nahi Karta,

Ehad E Insaf Aa Raha Hai Munir,

Zulm Dayem Hua Nahi Karta.

Saaf Aayine Se Rukhsar Hai

Saaf Aayine Se Rukhsar Hai Us Dilbar Ka,

Yeh Khuda Ka Hai Banaya To Woh Sikandar Ka,

 

Aashiqon Se Talab Bosa Kahan Jaati Hai,

Morey Na Sake Tarak Kabhi Shakar Ka,

 

Aafat E Jaan Hai Faro Maya Ko Taqat Hona,

Chob Ko Teer Ki Milna Hai Qayamat Par Ka,

 

Naala E Aashiq E Dil Sokhta Hai Aafat E Jaan,

Bharke Khoob Aag Jahan Dhair Hai Khaksatar Ka,

 

Aakhir Kar Kiya Hai Usey Masti Ne Kharab,

Ho Saka Zabat Aadam Se May Mosar Ka,

 

Jane De Aatish Agar Ehl E Jahan Tujh Se Phire,

Mard Peecha Na Karen Bhaage Hue Lashkar Ka..

Yaar Ko Maine Mujhe Yaar Ne

Yaar Ko Maine Mujhe Yaar Ne Sone Na Diya,

Raat Bhar Taala E Bedaar Ne Sone Na Diya,

 

Khaak Par Sang E Dar E Yaar Ne Sone Na Diya,

Dhoop Mein Saaya E Deewar Ne Sone Na Diya,

 

Sham Se Wasal Ki Shab Aankh Na Jhapki Ta Subah,

Shadi Dolat E Deedar Ne Sone Na Diya,

 

Raat Bhar Ki Dil E Betaab Ne Baaten Mujh Se,

Ranj O Mehnat K Giraftar Ne Sone Na Diya,

 

Takiya Tak Pehlu Mein Is Gul Ne Rakha Aatish,

Ghair Ko Sath Kabhi Yaar Ne Sone Na Diya...

Tere Gale Mein Jo Bahon Ko

Tere Gale Mein Jo Bahon Ko Daal Rakhte Hain,

Tujhe Manane Ka Kaisa Kamal Rakhte Hain,

 

Tujhe Khabar Hai Tujhe Sochne Ki Khatir Hum,

Bohat Se Kaam Muqaddar Par Taal Rakhte Hain,

 

Koi Bhi Faisla Hum Soch Kar Nahi Karte,

Tumhare Naam Ka Sikka Uchal Rakhte Hain,

 

Tumhare Baad Yeh Aadat Si Ho Gai Apni,

Bikharte Sookhte Patte Sambhal Rakhte Hain,

 

Khushi Si Milti Hai Khud Ko Aziayaten De Kar,

So Jaan Bhooj Kar Dil Ko Nidhal Rakhte Hain,

 

Kabhi Kabhi Woh Hans Kar Dekh Lete Hain,

Kabhi Kabhi Mera Be Had Khayal Rakhte Hain,

 

Tumhare Hijar Mein Yeh Haal Ho Gaya Apna,

Kisi Ka Khat Ho Usey Bhi Sambhal Rakhte Hain,

 

Khushi Mile To Tere Baad Khushi Nahi Hoti,

Hum Apni Aankh Mein Har Dam Malal Rakhte Hain,

 

Zamane Bhar Se Bacha Kar Woh Apne Aanchal Mein,

Mere Wajood K Tukre Sambhal Rakhte Hain,

 

Kuch Is Liye To Behaal Ho Gaye Hum Log,

Tumhari Yaad Ka Behad Khayal Rakhte Hain...

 

Ab Kis Se Kahen Aur Kon Sune

Ab Kis Se Kahen Aur Kon Sune Jo Haal Tumhare Baad Hua,

Is Dil Ki Jheel Si Aankhon Mein Ek Khuwab Bohat Barbaad Hua,

 

Yeh Hijar-Hava Bhi Dushman Hai Is Naam K Sare Rangon Ki,

Woh Naam Jo Mere Honton Pe Khushboo Ki Tarah Aabaad Raha,

 

Us Shehar Mein Kitne Chehre Thy Kuch Yaad Nahi Sab Bhool Gaye,

Ik Shakhs Kitabon Jaisa Tha Woh Shakhs Zubani Yaad Hua,

 

Woh Apne Gaon Ki Galiyaan Thi Dil Jin Mein Nachta Gaata Tha,

Ab Is Se Farak Nahi Parta Nashaad Hua Ya Shaad Hua,

 

Benaam Satayesh Rehti Thi In Gehri Sanwli Aankhon Mein,

Aisa To Kabhi Socha Bhi Na Tha Dil Ab Jitna Bedaad Hua...

Aye Sanam Vasal Ki Tadbeeron Se

Aye Sanam Vasal Ki Tadbeeron Se Kya Hota Hai,

Wohi Hota Hai Jo Manzoor E Khuda Hota Hai..

Main Khud Pehal Karun

Main Khud Pehal Karun Ya Udher Se Ho Ibteda,

Barson Guzar Gaye Hain Yehi Sochte Hue...

Raaz E Ulfat Chupa K Dekh Liya

Raaz E Ulfat Chupa K Dekh Liya,

Dil Bohat Kuch Jala K Dekh Liya,

 

Aur Kya Dekhne Ko Baaki Hai,

Aap Se Dil Laga K Dekh Liya,

 

Woh Mere Ho K Bhi Mere Na Hue,

Un Ko Apna Bana K Dekh Liya,

 

Aaj Un Ki Nazar Mein Kuch Hum Ne,

Sab Ki Nazren Bacha K Dekh Liya,

 

Faiz Takmeel-E-Ghum Bhi Na Ho Saki,

Ishq Ko Aazma K Dekh Liya...

Bechain Bohat Phirna Ghabraye Hue Rehna

Bechain Bohat Phirna Ghabraye Hue Rehna,

Ik Aag Si Jazbon Ki Dehkaye Hue Rehna,

 

Chalkaye Hue Khushboo Lab-e-Laleen Ki,

Ik Bagh Sa Sath Apne Mehkaye Hue Rehna,

 

Ik Sham Si Kar Rakhna Kajal K Karishme Se,

Ik Chand Sa Ankhon Mein Chamkaye Hue Rehna,

 

Adat Hi Bana Li Hai Tum Ne To Rizwan Apni,

Jis Shehar Mein Bhi Rehna Uktaye Hue Rehna...

Darwaza Koi Ghar Se Nikalne K Liye De

Darwaza Koi Ghar Se Nikalne K Liye De,

Bekhauf Koi Raasta Chalne K Liye De,

 

Aankhon Ko Khuwab Aaya Kiya Shukriya Lekin,

Paikar Bhi Koi Khuwabon Mein Dhalne K Liye De,

 

Sehmi Hui Shakhon Ko Zara Si Koi Mohlat,

Sooraj Ki Sawari Ko Nigalne K Liye De,

 

Sab Waqat Ki Deewar Se Sar Phor Rahe Hain,

Koi Humein Bhi To Raasta Bhag Nikalne K Liye De,

 

Sailab Mein Mujh Ko Aaye Phenkne Wale,

Toota Hua Ek Pal Hi Sambhalne K Liye De,

 

Bedard Muhabbatain Hain Bedard Dilon Ki,

Koi Cheez To Inhein Bhi Pigalne K Liye De...

Tum Ko Hazar Sharam Sahi

Tum Ko Hazar Sharam Sahi Mujh Ko Lakh Zabt,

Ulfat Woh Raaz Hai Jo Chupaya Na Jaye Ga...

Tum Ko Naraz

Tum Ko Naraz Hi Rehna Hai To Koi Baat Karo,

K Chup Chap Rehne Se Muhabbat Ka Gumaan Hota Hai...